200磅肥仔激減60磅成萬人迷　拆解《全民造星》姜濤人氣急升之謎　

ViuTV選秀節目《全民造星》將於10月14日總決賽，《全民造星》播出以來，19歲的參賽者姜濤最受注目，據說ViuTV已安排姜濤拍劇集。被封「嫩版彭于晏」的姜濤大受歡迎，不少女網民留言見到姜濤稱「姐姐不行了」。究竟姜濤有何吸引？拆解背後原因：

夠勵志

在《全民造星》前，姜濤曾參加過兩次選秀比賽，首次是跟朋友參加韓國娛樂龍頭大哥SM Entertainment的選秀，但在面試第二輪中止步。

第二次是參加內地選秀節目《快樂男聲》的海選，最終入了30強，不過姜濤稱最後輸掉比賽。而姜濤決心減肥，有指是因為向暗戀的女生表白，結果由肥仔變靚仔，再次證明肥仔都是潛力股，十分奮志。

▲ 在《全民造星》節目，姜濤分享學生時肥仔相。（節目截圖）

鄰家男孩

姜濤曾表示，以前因肥胖常被人叫「死肥仔」，形成自卑性格。

現在雖然成功瘦身，在公眾面前演出仍常害羞。不過，這種個性卻成為他的賣點，如《全民造星》兩位評判劉美君和卓韻芝，都如鄰家少年的形象被迷倒。

當中一集被問他是否係處時，姜濤掩咀以笑遮醜，然後細細聲在主持人耳邊答：「係呀。」令到不少粉絲覺得可愛。

▲ 姜濤的鄰家形象深得一班「姐姐」如卓韻芝的歡心。

努力跳唱

當然姜濤本身對表演下過一番苦功，為夢想成藝人，姜濤不斷積極備戢。

在比賽初期分別唱出「抖音」代表作《123我愛你》及《我多喜歡你 你會知道》，唱功不俗。

在40強淘汰賽中，姜濤與隊友跳唱《愛之初體驗》及《精武門》，精湛整齊的舞步加上靚聲，獲得評判一致讚賞，亦因此成為今次《全民造星》大熱。